काठमाडौं, २३ असार । माछापुच्छ्रे बैंकले ऋणपत्र बिक्रि गर्ने भएको छ । बैंकले १० वर्षे अवधिको असार ३१ गतेदेखि ८.५ प्रतिशत ब्याजदरको ३ अर्बको ३० लाख कित्ता ऋणपत्र बिक्रि गर्न लागेको हो ।
बैंकले ‘८.५ प्रतिशत माछापुच्छ्रे डिबेञ्चर २०८७’ नामको ऋणपत्र जारी गर्न लागेको हो । कुल ऋणपत्र मध्ये १८ लाख कित्ता व्यक्तिगत तवरबाट संघसंस्थालाई र १२ लाख कित्ता सर्वसाधारणलाई बिक्रि गर्ने जनाएको छ ।
बैंकको अनुसार सर्वसाधारणलाई छुट्टाएको १२ लाख कित्तामध्ये ६० हजार कित्ता सामुहिक लगानी कोषका लागि सुरक्षित गरी ११ लाख ४० हजार कित्ता सार्वजनिक निष्कासनको लागि विक्रि गर्न लागेको हो ।
१ हजार मुल्य बराबरको ऋणपत्र खरिद गर्न न्युनतम २५ कित्तादेखि ५ लाख कित्तासम्म छिटोमा साउन ४ गतेसम्म र ढिलोमा साउन १७ गतेसम्म बिक्रिमा ल्याएको हो ।
