काठमाडौं, ३० असार । आज नेपालमा कोरोना भाइरसका २ हजार ९०५ जना संक्रमित थपिएका छन् । योसंगै कुल संक्रमितको संख्या ६ लाख ६० हजार ७ सय ८८ पुगेको स्वास्थ्य तथा जनसंख्या मन्त्रालयले जनाएको छ ।
आज १६ सय ६ जना संक्रमणमुक्त भएका छन् । हालसम्म ६ लाख २४ हजार ७ सय ११ जना संक्रमणमुक्त भएको स्वास्थ्य मन्त्रालयले जारी गरेको विज्ञप्तीमा उल्लेख छ ।
२४ घन्टामा १३ हजार २४ जनामा परीक्षण गर्दा २ हजार ९०५ जनामा संक्रमण पुष्टि भएको हो । त्यसै गरि आज संक्रमण बाट मृत्यु हुनेको संख्या १८ पुगेको छ। नेपालमा कुल मृतक संख्या ९ हजार ४ सय ३० पुगेको छ।-File Photo
