दाङ, ११ साउन । आफ्नै श्रीमतीको हत्या गरेको अभियोगमा आइतबार दिउँसो एकजनालाई प्रहरीले पक्राउ गरेको छ । शान्तिनगर गाउँपालिका ४ बस्ने ७५ वर्षीय मोहनलाल न्यौपाने श्रीमतीको हत्या गरेको अभियोगमा पक्राउ परेका हुन्।
घरायसी विवादका कारण मोहनलालले श्रीमती ६९ वर्षीया भगवती न्यौपानेलाई शुक्रबार दिउँसो कुटपिट गर्दा गम्भीर घाइते भई भेरी अस्पताल नेपालगञ्जमा उपचारको क्रममा मृत्यु भएको खबर प्राप्त हुनासाथ प्रहरी चौकी चिराघाटबाट खटिएको प्रहरीले उनलाई पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
