एजेन्सी, २४ साउन । टोकियो ओलम्पिकको पदक तालिकामा अमेरिकाले चीनलाई उछिनेको छ । अन्तिम दिन स्वर्ण पदक थप्दै अमेरिका पहिलो स्थानमा उक्लिएको हो ।
अमेरिका ३९ स्वर्ण जित्न सफल भइसकेको छ । चीन ३८ स्वर्णका साथ दोस्रो स्थानमा छ ।
आज अमेरिकाले महिला बास्केटबल, साइक्लिङ र महिला भलिबलको स्वर्ण जितेको छ ।
पदक तालिकामा जापान तेस्रो, बेलायत चौंथो र रुस पाचौं स्थानमा छन् ।
बक्सिङको महिला र पुरुषको फरक तौल समूहको स्पर्धामा अमेरिका रजत पदकमा सिमित भएको छ । पुरुष सुपर हेभिवेट समूहमा उज्बेकस्तानी खेलाडीसँग अमेरिकी खेलाडी पराजित भए ।
