काठमाडौं, २६ साउन । नेकपा (एमाले) का वरिष्ठ नेता माधव कुमार नेपालले आफूहरु कुनैपनि हालतमा अध्यक्ष केपी शर्मा ओलीको टाङमुनि नछिर्ने बताएका छन् । सामूदायिक विद्यालयबाट एसइई र कक्षा १२ उत्तिर्ण गरी चिकित्सा शिक्षा आयोगद्धारा लिईएको एम.बि.बि.एस. प्रवेश परीक्षामा सर्वोत्कृष्ट मेधावी छात्र आशिक झालाई सम्मान गर्न आयोजित कार्यक्रमलाई प्रमुख अतिथिको रुपमा सम्बोधन गर्दै उनले यस्तो बताएका हुन् ।
https://www.facebook.com/RishiDhamalaOfficial/videos/140128668227659
उनले भने,‘हामी ओलीको टाङमुनि छिर्नेवाला छैर्नौं, अध्याँरो सुरुङमा जानेवाला छैनौं, दम्भी, अहंकारी र गलत ढंगले चल्नेहरुलाई चूनौति दिईनेछ । तिनीहरुलाई माथ गरेर नै अगाडि बढिनेछ । त्यसो हुनाले यस धर्तीमा साहसी र बहादुर व्यक्तिहरुको मात्रै कदर हुन्छ । कायर र डरपोकहरुको कसैले पनि, र कुनैपनि चर्चा हुँदैन् । दम्भी र घमण्डी नबनेर विनम्र भएर जायज र नाजायज कुराको विश्लेषण गरेर शक्ति र न्यायको बाटोमा निरन्तर अघि बढ्नुपर्छ ।’
तस्विर : मुकुन्द कालिकोटे, रिपोर्टर्स नेपाल डटकम
