काठमाडौं, ३१ साउन। कोरोना संक्रमणबाट आज थप ३३ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या १० हजार २ सय ९२ पुगेको स्वास्थ्य मन्त्रालयले जनाएको छ ।
आज नेपालमा कोरोना भाइरसका २ हजार २ सय १२ जना संक्रमित थपिसंगै कुल संक्रमितको संख्या ७ लाख ३२ हजार २ सय ७२ पुगेको छ ।
त्यस्तै, आज १ हजार ८ सय ६७ जना संक्रमणमुक्त भएसँगै नेपालमा हालसम्म ६ लाख ८२ हजार ६ सय ८२ जना संक्रमणमुक्त भएका हुन् । मन्त्रालयको अनुसार पछिल्लो २४ घन्टामा १२ हजार १ सय ६ परीक्षणमा १७ सय ९३ पिसीआर र ४ सय १९ जना एन्टिजेन विधिबाट संक्रमण पुष्टि भएको हो ।
