काठमाडौं, ३ भदौ । कोरोना संक्रमणबाट आज थप ३३ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या १० हजार ४ सय २९ पुगेको स्वास्थ्य मन्त्रालयले जनाएको छ ।
आज नेपालमा कोरोना भाइरसका ३ हजार ७५ जना संक्रमित थपिएसंगै कुल संक्रमितको संख्या ७ लाख ४२ हजार २ सय २८ पुगेको छ ।
आज २ हजार २६ जना संक्रमणमुक्त भएका छन् । हालसम्म ६ लाख ९१ हजार २ सय ९९ जना संक्रमणमुक्त भएका छन् । पछिल्लो २४ घन्टामा १६ हजार ४ सय ३८ जनाको कोरोना परीक्षणमा २३ सय २१ जना पिसीआर र ७ सय ५४ जना एन्टिजेन विधिबाट संक्रमण पुष्टि भएको हो ।
