काठमाडौं, ८ भदौ । नेपाल आयल निगमले पेट्रोलियम पदार्थमा गरेको मूल्यबृद्धिको विरोधमा अखिल क्रान्तिकारीले प्रदर्शन गरेको छ । आज (मंगलबार) अखिल क्रान्तिकारीले काठमाडौंको प्रदर्शनीमार्गस्थीत रत्नराज्यलक्ष्मी क्याम्पस अगाडि प्रदर्शन गरेको हो ।
प्रदर्शनमा सहभागीहरूले पेट्रोल, डिजेल र मट्टितेलका साथै एलपीजी ग्यासको मूल्यवृद्धि तत्काल फिर्ता गर्न माग गर्दै नाराबाजी गरेका थिए । सोमबार निगमले पेट्रोल, डिजेल, मट्टीतेलको मूल्य प्रतिलिटर २ रुपैयाँ र एलपीजी ग्यासको मुल्य प्रतिसिलिन्डर २५ रुपैयाँ बढाएको थियो ।-File Photo
