एजेन्सी, १२ भदौ । सिरि ए फुटबलमा इन्टर मिलानले शानदार जित निकालेको छ । शुक्रबार राति भएको खेलमा इन्टर मिलानले भिरोनालाई ३–१ गोल अन्तरले पराजित गरेको हो ।
घरेलु टोली भिरोनाले खेलको १५औं मिनेटमा इभान इलिकको गोलबाट अग्रता लिएको थियो । दोस्रो हाफको सुरुवातमै लौटारो मार्टिनेजले गोल गर्दा इन्टर १–१ को अवस्थामा पुगेको थियो ।
मार्टिनेजको स्थानमा ७४औं मिनेटमा मैदान छिरेका कोरियाले डेब्यु खेलमै शानदार प्रर्दशन गर्दै दुई गोल गरे । उनी लोनमा लाजियोबाट इन्टर आएका हुन् ।साविक विजेता इन्टरले दुई खेलबाट ६ अंक जोड्दै शीर्ष स्थानमा रहेको छ ।-Photo: Agency
