एजेन्सी, १७ भदौ । बिग बोस १३ का विजेता सिद्धार्थ शुक्लाको ह्दयघातबाट आज मृत्यु भएको छ । उनको शहनाजसंगको प्रेम सम्बन्धले एक समय चर्चामा थिए । सिद्धार्थ सधैं कुनै न कुनै विवादमा फँसिरहन्थे। आज भएको सिद्धार्थको मृत्युले उनी विवादमा आएका सबै प्रसंगलाई ब्युताएको छ ।
बिग बोसको घरमा सिद्धार्थले टास्कको क्रममा माहिरा शर्मालाई चोट पुर्याएका थिए । जसका कारण निर्माताहरुले सिद्धार्थलाई घरबाट बाहिर निकालेका थिए। जे होस्, यस पछि शुक्लाले आफ्नो रिसको बावजुद पनि शो र दर्शकहरुको मन जिते।
‘दिल से दिल तक’ को समयसम्म सिद्धार्थ धेरै घमण्ड देखाउँथे र उनी सह– कलाकारहरु संग प्राय झगडा गर्थे । रश्मी र सिद्धार्थले कलर्स च्यानलको शो ’दिल से दिल तक’ मा काम गरेका छन्। यो सिरियलको सेटमा दुई बीच धेरै झगडा भएको थियो। धेरै रिपोर्टहरुहरुले उनीहरु डेटमा रहेको दाबी गरेका थिए ।
शो ’दिल से दिल तक’ मा सिद्धार्थका सह–कलाकार कुणाल वर्माले पनि आफुलाई कुटेकोे आरोप लगाएका थिए। वास्तवमा, यस सिरियलको सेटमा कुणाल र सिद्धार्थ बीच धेरै झगडा भएको थियो र सिद्धार्थले उनीहरु माथि पानी फ्याँकेका थिए ।
सिद्धार्थको ‘बालिका वधु’ को को–स्टार तोरल रसपुत्र संग राम्रो सम्बन्ध थिएन। हनीमून सीक्वेन्सको सुटिङको क्रममा दुई बीच धेरै झगडा भएको थियो। त्यसपछि दुवै कहिल्यै बोलेनन्।
वर्ष २०१४ मा, नयाँ बर्षको पार्टी बाट फर्केर, सिद्धार्थले मादक पदार्थ पिएर सवारी साधन चलाउँदा २ हजार रुपैयाँ जरिवाना तिर्नु परेको थियो।
उनी प्राय आफ्नो अफेयरका कारण चर्चामा रहन्छन्। जब सिद्धार्थ बिग बोस गए, उनको नाम तनिषा मुखर्जी, रश्मी देसाई, आकांक्षा पुरी, शेफाली जरिवाला र स्मिता बंसलसंग जोडिएको थियो।
बालिका वधुमा काम गर्ने शीतल खण्डलले उनीमाथि गम्भीर आरोप लगाएकी थिइन्। शीतलका अनुसार सिद्धार्थ उनीमाथि दोहोरो अर्थ र अश्लील जोक्स पठाउथे । यस बारेमा शीतलले शो को निर्मातालाई उजुरी दिईन्, त्यसपछि सिद्धार्थले अर्को दिन सेटमा धेरै हंगामा मच्चाएका थिए ।
सिद्धार्थ तिव्र गतिमा गाडी चलाउनेमा पनि परिचित थिए । यही आरोपमा २२ जुलाई २०१८ मा उनलाई प्रहरीे पक्राउ समेत गरेको थियो । सोही दिन उच्च गतिमा आफ्नो कार चलाइरहेका थिए।
पछि सिद्धार्थले आफ्नो नियन्त्रण गुमाए र उनको कार तीनवटा कारहरु संग ठोक्कियो। प्रहरीले सिद्धार्थ बिरुद्ध मुद्दा दर्ता गरेको थियो। उनी ५ हजार रुपैयाँ जरिवाना तिरेपछि जेलबाट रिहा भएका थिए। उनीमाथि पुर्व प्रेमिका शिल्पा सिन्धले पनि सम्बन्धका बेला कटपिट गरेको आरोप लगाएकी थिइन्।
सिद्धार्थको करियर यस्तो थियो
सिद्धार्थ शुक्लाले २००८ मा टिभी शो ‘बाबुल का आंगन छोटे ना’ बाट आफ्नो करियर शुरू गरेका थिए। उनले ‘जाने पहचाने से अजनबी’, ‘सीआईडी’, ‘बालिका वधु’ र ‘लभ यु जिन्दगी’ जस्ता धेरै रियालिटी शोहरुमा काम गरेका छन् । उनी खतरों के खिलाडीको ७औं सिजन र बिग बोसको १३औं सिजनको विजेता बनेका हुन् ।
