काठमाडौं, १८ असोज । हिमालयन बैंक लिमिटेडले “दिदी बहिनी कृषक समूह” लाई फोटोकपी सहितको एक थान प्रिन्टर हस्तान्तरण गरेको छ । बैंकले उदयपुर जिल्ला, चौडण्डीगढीको कटरवोटेमा रहेको उक्त समुहलाई आफ्नो संस्थागत सामाजिक उत्तरदायित्व अन्तर्गत सहयोग हस्तान्तरण गरेको जनाएको छ ।
बैंकको अनुसार उक्त समुहले करिब एक दशक देखि त्यस क्षेत्रका थप्रै कृषक समूह गठन गरी विभिन्न कृषि तालिम प्रदान गर्दै आइरहेको छ । सो स्थान निकै नै विकट स्थानमा रहेको हुँदा तालिमका लागि आवश्यक कागजातहरु समेत छाप्न निकै समस्या भएकोले गर्दा समाज सेवी समूहको आवेदन अनुसार दिदी बहिनी कृषक समूहलाई सो प्रिन्टर प्रदान हो ।
बैंकका तर्फबाट बैंकका महाप्रबन्धक अनुप मास्केले दिदी बहिनी कृषक समूहका सचिव डा. निर्मला थापालाई एक समारोह बिच उक्त सहयोग हस्तान्तरण गरेका हुन् ।
