काठमाडौँ, २ कात्तिक । एएफसी २३ वर्ष मुनिको एसिया कप छनोट खेल्न नेपाली टोली ताजिकिस्तान प्रस्तान गरेको छ । नेपाली टोली आज (मंगलबार) बिहान ताजिकिस्तानतर्फ प्रस्तान गरेको अखिल नेपाल फुटबल संघ (एन्फा) ले जनाएको हो ।
नेपालसँगै ताजिकिस्तान, लेबनान र ईरान समूह ‘बी’मा रहेका छन् । छनोट अघि नेपालले अक्टोबर २२ तारिखमा इन्डोनेसियाको यू–२३ टोलीसँग मैत्रीपूर्ण खेल खेल्नेछ । नेपालले पहिलो खेल ईरानसँग अक्टोबर २५ मा खेल्नेछ भने दोस्रो खेल ताजिकिस्तानसँग अक्टोबर २८ मा खेल्नेछ। त्यसैगरी तेस्रो खेल लेबनानसँग अक्टोबर ३१ मा खेल्ने तालिका रहेको छ ।-Photo Source: ANFA
