काठमाडौं, कार्तिक ६ । आगामी साता हुने प्रधानमन्त्री शेरबहादुर देउवाको बेलायत भ्रमणमा २० सदस्यीय नेपाली प्रतिनिधि मण्डल सहभागी हुने भएको छ ।
ग्लास्गो शहरमा आयोजना हुने जलवायु परिवर्तनसम्बन्धी वल्र्ड लिडर समिटमा सहभागी हुन २० सदस्यीय नेपाली प्रतिनिधि मण्डल बेलायत जान लागेको हो ।
५ दिने बेलायत भ्रमणका क्रममा प्रधानमन्त्री देउवाले बेलायतस्थित मन्त्री तथा सरकारी अधिकारीहरुसंग उच्चस्तरीय भेटघाट गर्ने कार्यक्रम रहेको छ । प्रधानमन्त्री देउवा यही शुक्रबार साँझ बेलायत पुग्नेछन् ।
प्रधानमन्त्री देउवा, वन तथा वातावरण मन्त्री रामसहाय प्रसाद यादव सहित २० जनाको टोली त्यसतर्फ जाने तयारीमा रहेको छ ।
देउवाले वल्र्ड लिडर समिटमा विश्वमा तीब्र गतिमा हुदैं गएको जलवायु परिवर्तनमा नेपालको धारणा राख्ने छन्।
