काठमाडौं, ७ कात्तिक । नेपाली बजारमा आज सुनको भाउ बढेको छ । साताको कारोबारको पहिलो दिन आज सुनको भाउ ४ सय रुपैयाँले बढेको हो ।
शुक्रबार छापावाल सुन प्रतितोला ९१ हजार ७ सय रुपैयाँमा कारोबार भएको सुनको मुल्य आज प्रतितोला ९२ हजार १ सय रुपैयाँ कायम भएको छ ।
नेपाल सुनचाँदी व्यवसायी महासंघको अनुसार आज तेजाबी सुनको मुल्य पनि बढेर प्रतितोला ९१ हजार ६ सय रुपैयाँमा कारोबार भैरहेको छ । यसैगरी, चाँदीको मुल्य आज १० रुपैयाँले बढेर प्रतितोला १२ सय ६० रुपैयाँमा खरिद बिक्रि भैरहेको महासंघले जनाएको छ।
