एजेन्सी, १५ कात्तिक । बलिउडदेखि हलिउडसम्म आफ्नो अभिनयको दम देखाएकी अभिनेत्री प्रियंका चोपडा सामाजिक सञ्जालमा सक्रिय रहने फिल्म हस्ती मध्ये एक हुन् ।
उनले प्रायः आफ्नो फ्यानहरुको लागि आकर्षक तस्विरहरु शेयर गर्दै आएकी छन् । प्रियंका चोपडाको पति अमेरिकन गायक निक जोसनको कारण पनि चर्चा हुने गर्छ । यी दुईको तस्विर र भिडियो पनि सामाजिक सञ्जालमा भाइरल हुने गर्छ ।
आज प्रियंकाले इन्स्टाग्राममा आफ्नो र निकसँगको खास तस्विर शेयर गरेकी छन् । तस्विरमा प्रियंका निकका काँधमा देखिएकी छिन् ।
अर्को तस्विरमा प्रियंकाले निकको काँधमा आराम गरीरहेको देख्न सकिन्छ । निकले प्रिन्टेड शर्ट लगाएका छन् भने पियंकाले झिलीमिली ड्रेस लगाएर कपाल खुला छाडेकी छिन् ।
