लमजुङ, २३ मङ्सिर: लमजुङको मर्स्याङ्दी गाउँपालिका–८ भुस्मेनजिकै जीप दुर्घटना हुँदा ३ जनाको घटनास्थलमै मृत्यु भएको छ । जिल्ला प्रहरी कार्यालय लमजुङका प्रहरी निरीक्षक जगदिश रेग्मीले तीन जनाको घटनास्थलमै मृत्यु भएको र ९ जना घाइते भएको जानकारी गराए । मस्र्याङ्दी –९ सिमपानीबाट सोही पालिकाको पिसहिलडाँडा घुम्न यात्रु लिएर गएको उक्त जीप आज विहान दुर्घटनामा परेको हो ।

जीपमा सिमपानीस्थित गणेश माध्यमिक विद्यालयका विद्यार्थी तथा शिक्षक रहेका र घुम्तीमा ब्याक गर्ने क्रममा करिब ५० मिटर तल खसेर दुर्घटना भएको जनाइएको छ । घाइते सबैको उद्धार गरी सामुदायिक अस्पतालमा उपचार भइरहेको रेग्मीले बताए ।