काठमाडौं, २४ मंसिर । सहिद स्मारक ‘ए’ डिभिजन लिग फुटबल अन्तर्गत आज (शुक्रबार)बाट चौंथो चरणका खेलहरु सुरु भएका छन् ।
जस अन्तरगत आज भएको पहिलो खेलमा मनाङ मस्र्याङ्दी क्लबले शानदार जित निकालेको छ ।
त्रिपुरेश्वरस्थित दशरथ रंगशालामा भएको खेलमा फ्रेन्ड्स क्लबलाई २–० गोल अन्तरले हराउदै जित निकालेको हो ।
खेलको ४१ औं मिनेटमा आफिज ओलावालेले गोल गर्दै मनाङलाई सुरुवाति अग्रता दिलाए थिए ।
यस्तै, खेलको ७२ औं मिनेटमा दिनेस राजवंशीले हेड मार्फत गोल गर्दै टोलीको अग्रता दोब्बर बनाए ।
पुजन उपरकोटीले प्रहार गरेको फ्रीकीक मा दिनेसले शानदार गोल गरेका हुन् ।
