काठमाडौं, २६ मंसिर । नेपाली कांग्रेसको जारी १४औँ महाधिवेशनमा नयाँ कार्यसमिति सदस्यका लागि भोलि मतदान हुँदैछ । मतदानको अघिल्लो दिन आज उम्मेद्धवारहरुले आफ्नो प्रचारप्रसारलाई तिव्रता दिएका छन् । त्यस्तै, निर्वाचन समितिले मनोनयन दर्ता गराएका उम्मेदवारहरूको अन्तिम नामावली पनि प्रकाशन गरिसकेको छ ।
१३ पदाधिकारीसहित १३४ कार्यसमिति सदस्यका लागि मनोनयन गरेका उम्मेदवारको अन्तिम नामावली प्रकाशन गरिएको हो । प्रकाशित नामावलीअनुसार एक सभापतिका लागि पाँच जना, दुई जना उपसभापतिका लागि सात जना, दुई जना महामन्त्रीका लागि ६ र आठ जना सहमहामन्त्रीका लागि १९ जनाको उम्मेदवारी परेको छ । तस्विर : मुकुन्द कालिकोटे, रिपोर्टर्स नेपाल डटकम
