काठमाडौं, मंसिर २८। नेपाली कांग्रेसको नयाँ नेतृत्वका लागि भएको निर्वाचनमा कांग्रेस सभापति पदको मतगणनामा शेरबहादुर देउवाले अग्रता कायमै राखेका छन् । आज बिहान चार बजेदेखि राष्ट्रिय सभागृहमा जारी मतगणनामा आफ्ने मतान्तर बढाउदै लगेका छन् ।
देउवाले १७ सय ९८ ल्याएका छन् । मतदानमा चार हजार ६ सय ७९ मत खसेको थियो । पछिल्लो अपडेट अनुसार ३७ सय ७९ मत गणना भईसकेको छ । मत मरिणाम अनुसार देउवालाई पाँच सय ४२ मतको आवश्यकता देखिएको छ । निर्वाचनमा चार हजार ६ सय ७९ मत खसेकाले सभापतिमा जित्न २३ सय ४० मत चाहिन्छ ।
