काठमाडौं, १ पुष । कांग्रेस १४औं महाधिवेशनमा महामन्त्रीको उम्मेद्वार प्रदीप पौडेलले महामन्त्रीमा निर्वाचित गगनकुमार थापा र विश्वप्रकाश शर्मालाई बधाई तथा शुभकामना दिएका छन् ।
पार्टी कार्यालयमा सञ्चारकर्मीहरुसँग प्रतिक्रीया दिदै उनले पार्टीमा रूपान्तरण भएको भन्दै उनीहरूको जितमा आफू खुसी भएको बताए ।
अन्तिम परीणाम अनुसार गगन थापाले ३०२३ मतसहित पहिलो स्थान हासिल गरेका छन् भने शर्माले १९८४ मतसहित दोस्रो स्थानमा विजयी भएका छन् ।
यस्तै, प्रकाशशरण महतले १५५६, प्रदीप पौडेलले १३९३, मीनेन्द्र रिजालले ८०९ र राजाराम कार्कीले १०६ मत प्राप्त गरेका छन् ।
