काठमाडौं, २ पुस । इंग्लिस प्रिमियर लिग फुटबलमा चेल्सी एभर्टनसँग बराबरीमा रोकिएको छ ।
बिहीबार राति भएको खेलमा चेल्सी एभर्टनसँग १–१ गोलको बराबरीमा रोकिएको हो ।
चेल्सीले घरेलु मैदानमा भएको खेलमा सुरुवाति अग्रता जोगाउन नसक्दा अंक बाड्न बाध्य भएको हो ।
खेलको ७०औं मिनेटमा मासन माउन्टले गोल गर्दै चेल्सीलाई अग्रता दिलाएका थिए ।
तर, त्यसको ४ मिनेटपछि जारार्ड ब्रान्थवेटले गोल गर्दै एभर्टनलाई १–१ गोलको बराबरीमा फर्काउदै हारबाट जोगाएका थिए ।
यस बराबरीसँगै चेल्सी १७ खेलमा ३७ अंक जोड्दै तेस्रो स्थानमा रहेको छ ।
१९ अंक जोडेको एभर्टन १४औं स्थानमा रहेको छ ।
