काठमाडौं, ८ पुस । नेपालको महिला भलिबल टोलीले एसियन सिनियर सेन्ट्रल जोन भलिबल च्यालेन्ज कपमा सुखद सुरुआत गरेको छ ।
बंगलादेशको ढाकामा बिहीबार भएको खेलमा श्रीलंकालाई ३–२ को सेटमा पराजित गर्दै नेपालले सुखद सुरुआत गरेको हो ।
नेपालले सुरुआती दुई सेट गुमाए पनि पुनरागमन गर्दै शानदार जित निकालेको हो ।
प्रतिस्पर्धात्मक बनेको खेलको सुरुआती दुई सेट श्रीलंकाले २५–१९ र २५–२१ ले जितेको थियो ।
तर, त्यसपछिको दुई सेटमा नेपालले २५–१५ र २५–१५ को सेटमा जित निकालेको हो ।
अन्तिम सेटमा श्रीलंकालाई १५–१३ को सेटमा हराउँदै नेपालले सुखद सुरुआत गरेको हो ।
अब नेपालले शुक्रबार माल्दिभ्ससँग प्रतिस्पर्धा गर्नेछ ।
