काठमाडौं, १२ पुस । नेकपा (माओवादी केन्द्र)को महाधिवेशनस्थलबाट पार्टी अध्यक्ष पुष्पकमल दाहाल ‘प्रचण्ड’को ‘कटआउट’ हटाइएको छ। महाधिवेशनस्थल प्रज्ञा भवनमा प्रचण्डको ‘कटआउट’ राखिएपछि देवत्त्वकरण गरिएको भन्दै चर्को आलोचना भएपछि हटाइएको हो ।
माओवादीका केन्द्रीय सदस्य सुदन किरातीले सामाजिक सञ्जाल फेसबुकमार्फत् कटआउट हटाइएको जानकारी गराएका छन्। ‘नेतृत्वलाई थाहै नदिइ गरिएको चाकडी हटाइसकिएको सबैमा जानकारी! चाकडी प्रवृत्ति– मूर्दावाद!’–किरातीले लेखेका छन् ।
आइतबार महाधिवेशनस्थलमा रहेको कटआउटमा माओवादी केन्द्रका कार्यकर्ताले फोटो खिचेर सामाजिक सञ्जाल भरेका थिए ।
