काठमाडौं, १३ पुस । नेकपा (माओवादी केन्द्र) का प्रभावशाली नेता जनार्दन शर्माले पार्टीलाई नयाँ उचाईमा लैजानेगरि आफूहरु अघि बढ्ने बताएका छन् । महाधिवेशनस्थलमा प्राइम टिभीको लागि पत्रकार ऋषि धमलासँग कुरा गर्दै उनले यस्तो बताएका हुन् ।
उनले आफूहरुले पनि अब आफ्नो कमजोरी कहाँ भएको हो ? भनेर आत्माआलोचना गर्ने पनि सुनाए । अध्यक्ष पुष्पकमल दाहालले पनि राजनीतिक प्रतिवेदनमा आत्मआलोचना गरेको उनले स्मरण गराए । उनले प्रचण्डले अघि सारेको प्रतिवेदन समय सान्र्दभिक रहेको र त्यसलाई लागु गर्न आफूहरु तयार रहेको सुनाए ।
उनले भने,‘सांस्कृतिक रुपान्तरणको अभियानको पूर्ण पालना गर्नसक्ने नेता म पनि हुँ, वैचारिक र व्यवहारिक रुपमा मसँग त्यो ताकद छ । सबै साथीहरुसहित पार्टीलाई उचाईमा पुर्याउने मेरो तागद छ।’ उनले पार्टीभित्र पुस्तान्तरणको अभियान सुरु भैसकेको सुनाए । उनले अहिले आफूहरु पदको लागि भन्दा पनि विचारको लागि बहस भैरहेको जनाए।
https://www.facebook.com/primetimestvnepal/videos/203322825347821
