काठमाडौं, १६ पुस । सहिद स्मारक ‘ए’ डिभिजन लिग फुटबल अन्तर्गत आज (शुक्रबार) बाट सातौं चरणका खेलहरु सुरु हुँदैछ ।
लिगको सातौं चरण अन्तर्गत आज दुई खेल हुँदैछन् । त्रिपुरेश्वरस्थित दशरथ रंगशालामा हुने पहिलो खेलमा एपीएफ क्लब र त्रिभुवन आर्मीबीच प्रतिस्पर्धा हुनेछ ।
एपीएफ र आर्मीबीचको खेल दिउँसो १ बजे सुरु हुनेछ ।
६ खेलमा ५ अंक जोडेको एपीएफ ११औं स्थानमा रहेको छ भने आर्मी ६ खेलमा १० अंक जोड्दै चौंथो स्थानमा रहेको छ ।
यस्तै, दोस्रो खेलमा फ्रेन्ड्स क्लब र न्युरोड टिम एनआरटीबीच खेल हुनेछ । फ्रेन्ड्स र एनआरटीबीचको खेल ४ः४५ बजे सुरु हुनेछ ।
३ अंक जोडेको फ्रेन्ड्स तालिकाको पुछारमा रहेको छ । एनआरटी ६ खेलमा ७ अंक जोडेर आठौं स्थानमा रहेको छ ।
