पाल्पा, १८ पुस। पाल्पामा भएको बस दुर्घटनामा ज्यान गुमाएका ८ जना मध्ये ३ जनाको सनाखत भएको छ । दुघर्टनामा मृत्यु हुने मध्ये बुटबल बृद्ध नगरका लालबहादुर विक, पशुपति रसाइली र विजय थापा क्षेत्रीको सनाखत भएको प्रहरीले जनाएको छ ।
दुर्घटनामा ७ जना गम्भीर घाइते भएका छन्। उनीहरुको तानसेनमा उपचार भइरहेको छ। बुटवलबाट शव लिएर गुल्मीको रिडी जाँदै गरेको बस पाल्पा रिब्दिकोट २ लघुवामा आइतबार बिहान दुर्घटना भएको थियो।
लु २ ख ७२७९ नम्बरको बस दुर्घटना हुँदा ७ जनाको घटनास्थलमै मृत्यु भएको थियो। बसमा ३५ जना मलामी रहेको प्रहरीले जनाएको छ।
