काठमाडौं, पुस २७ । राप्रपा पूर्वअध्यक्ष कमल थापाले पार्टीले आयोजना गरेको पृथ्वी जयन्तीको कार्यक्रम विहिस्कार गरेका छन् । राप्रपाले ३०० औँ पृथ्वी जयन्ती तथा राष्ट्रिय एकता दिवसका अवसरमा अहिले ११ः ३० बजे राजधानीको भृकुटीमण्डपमा एक कार्यक्रमको आयोजना गरेको थियो ।
तर, थापा सो कार्यक्रम बहिस्कार गरेर एक्लै सिंहदरबारको पश्चिम गेटअगाडि रहको पृथ्वीनारायण शाहको शालिकमा माल्यापर्ण गरेर फकिएका छन् । थापाले राष्ट्रपति विद्यादेवि भण्डारीले माल्यापर्ण गरेपछि तेस्रो नम्बरमा पृथ्वीनारायण शाहको शालिकमा माल्यापर्ण गरेका थिए । दोस्रो नम्बरमा संस्कृती पर्यटन तथा नागरिक उड्डयनमन्त्री प्रेम आलेले माल्यार्पण गरेका थिए ।
