काठमाडौं,२९ पुस। लुमिनस पावर ब्याकअप सोलुसन र सनवर्थ सोलार प्यानलको लागि नेपालको आधिकारिक बिक्रेता अमट्रेड प्रालीले ओम ऋषभ इन्टरप्राइजेजलाई डिसेम्बर महिनाको ‘डिलर अफ द मन्थ’ सम्मान प्रदान गरेको छ । आफ्नो बार्षिक बजारीकरण योजना अन्तर्गत कम्पनीले निर्धारण गरेको मापदण्ड भित्र रहेर हरेक महिना उच्च कारोवार गर्ने डिलरलाई उक्त सम्मान प्रदान गर्दै आएको कम्पनीले जनाएको छ। डिसेम्बर महिनामा उक्त स्थान हासिल गर्न कालीमाटी, काठमाडौंका ओम ऋषभ इन्टरप्राइजेजका संचालक ओम चौधरी सफल भएका छन् ।
संचालक चौधरीले लुमिनस ब्राण्डको पावर ब्याकअप र सोलार सोलुसनको गुणस्तर मात्र नभई अमट्रेड प्रालीले आफ्नो ग्राहकहरुलाई प्रदान गर्ने बिक्रीपश्चातका उत्कृष्ट सेवासुविधा र गतिविधीहरुले गर्दा नै उनी र उनीजस्तै व्यवसायीहरुलाई व्यवसायिक रुपमा अगाडी बढ्न सहयोग पुगेको बताए । साथ साथै उनले लुमिनस र अमट्रेड प्रालीको बिक्रीपश्चातक सेवाहरु छिटो र भरपर्दो भएकाले ग्राहकहरुलाई इन्भर्टर र ब्याट्रीहरु चाहिएमा ढुक्कसँग लुमिनस ब्राण्डको इन्भर्टर र ब्याट्रीहरु खरीद र जडान गर्न सुझाव पनि दिएका छन् ।
यसैबिच उनले काठमाडौं उपत्यकाको ग्राहकहरुका लागि लुमिनस ब्राण्डको इन्भर्टर र ब्याट्रीहरु खरीद गर्दा निस् शुल्क होम डेलिभरीको व्यवस्था पनि भएको बताएका छन्।
