काठमाडौं, ८ माघ । नेकपा (माओवादी केन्द्र) का प्रभावशाली नेता वर्षमान पुन उपचारको सिलसिलामा यतिवेला चीनमा छन् ।
उनी यही माघ १० गते स्वदेश फर्कने भएका छन् ।
पुनले स्वयम सामाजिक सञ्जाल फेशबुकमार्फत लेखेर आफू पूर्ण स्वास्थ्यलाभ भई यही माघ १० गते नेपाल आउने जानकारी दिएका छन् ।
उनले लेखेका छन्–‘बैंकक र चीनको लामो उपचारपछि माघ १० गते पुर्ण स्वास्थ्य लाभ गरि नेपाल फर्किदै छु ।’
कमलपित्त रोगबाट पीडित पुनले यसअघि बैंककमा उपचार गराएका थिए ।
त्यहाँबाट उनी थप उपचारको लागि चीनमा आएका थिए ।
चीनको थर्ड पिपुल्स हस्पिटल अफ सेनजेन उपचाररत उनको स्वास्थ्य अवस्था सामान्य बनेको बताइएको छ ।
