नेपालद्वारा मोरिसस १-० ले पराजित, विमल घर्तीमगर बने नायक

काठमाडौं, १५ माघ । नेपालले मोरिससलाई १-० ले पराजित गरेको छ । शनिबार दशरथ रंगशालामा भएको पहिलो मैत्रीपूर्णखेलमा विमल घर्तीमगरले ५५ औं मिनेटमा गरेको गोल नै नेपालको जितको लागि निर्णायक बन्यो ।

विमलले अञ्जन विष्टको पासमा गोल गरेका थिए । प्रतिवन्ध र चोटका कारण विमल २६ महिना राष्ट्रिय टिम बाहिर थिए । राष्ट्रिय टिममा फर्केका विमलले पुनरागमन गरेको पहिलो खेलमै आज गोल गरेका हुन् ।