काठमाडौं, १७ माघ । काठमाडौंको मित्रपार्कमा एकजना युवकको मृत्यु भएको छ । का.न.पा–७ मित्रपार्कस्थित ओरालो सडकमा युवाहरुको समुहबिच झगडा हुँदा भाग्ने क्रममा एकजनाको मृत्यु भएको प्रहरीले जनाएको छ ।
महानगरीय प्रहरी परिसर काठमाडौको अनुसार मृतक युवकको पहिचान भने खुल्न सकेको छैन् ।
उनीहरुको गएराति मादक पदार्थ सेवनपछि झगडा भएको थियो । झगडा हुँदा भाग्ने क्रममा लडेर युवकको मृत्यु भएको प्रहरीले अनुमान गरेको छ ।
झगडा गर्ने रुद्रबहादुर केसी र सुरेश दर्नाल पक्राउ परेका छन् । शव पोष्टमार्टमका लागि त्रिवि शिक्षण अस्पतालमा राखिएको छ ।
