भक्तपुर, २० माघ । भक्तपुरमा आज दिउँसो मोटरसाइकललाई यात्रुबाहक बसले ठक्कर दिँदा चालकको घटनास्थलमै मृत्यु भएको छ । चागुनारायण नपा–७ कमल विनायक नगरकोट सडक खण्ड खरिपाटीमा नगरकोट तर्फजादै गरेको प्रदेश ३ ००१ प १४७७ नम्बरको मोटरसाइकललाई बसले ठक्कर दिँदा चालक २५ वर्षीय सन्जोग गिरीको मृत्यु भएको प्रत्यक्षदर्शी अरुण कार्कीले बताए ।
कमलविनायक तर्फ आउदै गरको बा ५ ख १६२५ नम्बरको निशान यात्रुबाहक बसले गिरी सवार मोटरसाइकललाई ठक्कर दिएको थियो । घटना लगत्तै बस र चालक फरार भएपनि अहिले नियन्त्रणमा आएको प्रहरीले जनाएको छ ।
