काठमाडौं, २२ माघ । प्रदेश १ मा पछिल्लो २४ घण्टामा १ सय ४४ जनामा कोरोना भाइरसको संक्रमण पुष्टि भएको छ ।
२ सय २२ जनाको पीसीआर परीक्षण गर्दा ६२ र ३ सय ७७ जनाको एन्टिजेन परीक्षण गर्दा ८२ जनामा कोरोना संक्रमण देखिएको सामाजिक विकास मन्त्रालयले जनाएको छ ।
प्रदेश १ मा आज ६ सय ६२ जना कोरोना संक्रमणमुक्त भएका छन् । संक्रमणमुक्त हुनेमा ३ सय १४ महिला र ३ सय ४८ पुरुष छन् । पछिल्लो २४ घण्टामा कोरोना संक्रमणबाट एकजनाको मृत्यु भएको छ ।
