काठमाडौँ, २२ माघ । आज नेपालमा १ हजार ७ सय १४ जना कोरोना संक्रमित थपिएका छन् । योसंगै कुल संक्रमितको संख्या ९ लाख ६५ हजार २ सय २२ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज ८ हजार ५ सय १३ जना संक्रमणमुक्त भएका छन् । हालसम्म नेपालमा ९ लाख ६ सय ३९ जना संक्रमणमुक्त भएका छन् ।
मन्त्रालयको अनुसार पछिल्लो २४ घन्टामा पाँच हजार २ सय २५ जनामा पीसिआर परिक्षण गर्दा उक्त संक्रमण पुष्टि भएको हो । कोरोना संक्रमणबाट आज थप ९ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ८ सय ३ पुगेको स्वास्थ्य तथा जनसंख्या मन्त्रालयले जनाएको छ ।
नेपालमा संक्रिय संक्रमितको संख्या ५२ हजार ७ सय ८० रहेको छ ।
