काठमाडौं, २५ माघ । आईसीसी पुरुष टी–ट्वान्टी विश्वकप अन्तर्गतको ग्लोबल छनोट ‘ए’ मा भाग लिन आज ओमान प्रस्थान गर्न लागेको नेपाली राष्ट्रिय क्रिकेट टोलीमा सागर ढकाल थपिएका छन् ।
पछिल्लो समय नेपाली घरेलु लिगहरुमा उत्कृष्ट प्रदर्शन गरिरहेका ढकाललाई टोलीमा समावेश गरिएको क्यानले जनाएको छ । उनी पहिलो पटक नेपाली सिनियर राष्ट्रिय क्रिकेट टोलीमा परेका हुन् ।
ढकाल एभरेष्ट प्रिमियर लिग (इपिएल)मा चितवन टाइगर्स र प्रधानमन्त्री कपमा नेपाल पुलिस क्लबबाट खेल्ने गरेका छन् ।
विश्वकपमा छनोट हुने लक्ष्यका साथ नेपाली टोली आज राति ८ः३० बजे ओमान प्रस्थान गर्न लागेको क्यानले जनाएको छ ।
छनोट अघि नेपालले ओमानमा चारदेशीय टी–ट्वान्टी सिरिज खेल्नेछ ।
