बुटवल, ३ फागुन । बुटवलमा ३ जना सवार मोटरसाइकल दुर्घटना हुँदा २ जनाको मृत्यु भएको छ । लु ६० ३६५२ नम्बरको मोटरसाइकल अनियन्त्रित भएर पल्टिँदा २ जनाको मृत्यु र एक जना घाइते भएको प्रहरीले जनाएको छ ।
बुटवल उपमहानगरपालिका–१२ मिलन चोकमा दुर्घटना हँदा मोटरसाइकलमा पछाडि सवार रुपन्देहीका गैडहवा गाउँपालिका ९ हात्तीबजारका प्रेम रुचाल र राहुल थापाको मृत्यु भएको प्रहरीले जनाएको छ ।
गम्भीर घाइते भएका मोटरसाइकल चालक रुपन्देहीकै विमल रानाको लुम्बिनी प्रदेशिक अस्पताल बुटवलमा अस्पतालमा उपचार भइरहेको छ ।
