काठमाडौं, १० फागुन । इटालियन सिरी ‘ए’ फुटबलमा नापोली र काग्लियारी बराबरीमा रोकिएका छन् ।
सोमबार राति भएको खेलमा नापोली र काग्लियारीबीचको खेल १–१ गोलको बराबरीमा रोकिएको हो ।
खेलको ५८औं मिनेटमा गास्टन पेरिरोले गोल गर्दै काग्लियारीलाई सुरुआती अग्रता दिलाएका थिए ।
तर, खेलको ८७औं मिनेटमा भिक्टर ओसिम्हेनले गोल गर्दै नापोलीलाई १–१ गोलको बराबरीमा ल्याएका थिए ।
यस बराबरीसँगै २६ खेलमा ५४ अंक जोडेको नापोली तेस्रो स्थानमा रहेको छ भने काग्लियारी १८औं स्थानमा रहेको छ ।
