काठमाडौं, १४ फागुन । ललितपुर मेयर्स कप टी–२० महिला च्याम्पियनसिपमा सुदुरपश्चिम प्रदेश फाइनलमा प्रवेश गरेको छ ।
शनिबार भएको खेलमा लुम्बिनी प्रदेशलाई ३८ रनले हराउँदै सुदुरपश्चिम फाइनलमा पुगेको हो ।
सुदुरपश्चिमले दिएको १ सय २९ रनको लक्ष्य पछ्याएको लुम्बिनीले २० ओभरमा ५ विकेट गुमाएर ९० रन मात्र बनाउन सक्यो ।
लुम्बिनीका लागि नेरी थापाले २३ रन बनाईन । यस्तै आश्मा पुलामी मगरले २२ जोडिन ।
सुदुरपश्चिमका लागि कविता कुँवर र सम्झना खड्काले समान २÷२ विकेट लिईन् ।
यस अघि पहिले ब्याटिङ गरेको सुदुरले २० ओभरमा ५ विकेट गुमाएर १ सय २८ रन बनाएको थियो ।
सुदुरपश्चिमका लागि सम्झना खड्काले ४२ रन जोडिन । यस्तै ऋतु कोनुजियाले ३३ जोडीन् ।
लुम्बिनीका लागि नेरी थापाले समान ३ विकेट हात पारिन् ।
यस जितसँगै सुदुरपश्चिमले ४ खेलमा ६ अंक जोड्दै दोस्रो स्थानमा रहेको छ ।
लुम्बिनी ३ खेलमा २ अंक जोडेर तेस्रो स्थानमा रहेको छ ।
सुदुरपश्चिमले उपाधिका लागि एपीएफसँग खेल्नेछ ।
