काठमाडौं, २९ फागुन । एनआईसी एशिया बैंकका ग्राहकले पाँच तारे होटल द सोल्टी काठमाडौं र नेपालगन्जस्थित सोल्टी वेस्टन प्रिमियममा छुट पाउने भएका छन्। ग्राहकहरुले १० प्रतिशतसम्म बैंकको डेबिट कार्ड वा क्युआर बाट भुक्तानी गर्नुपर्ने जनाएको छ।
बैंकको डेबिट कार्ड घोटेर वा क्युआरबाट भुक्तानी गर्दा कारोबार रकमको १० प्रतिशतसम्म छुट उपलब्ध हुने जनाईएको छ । यस सम्बन्धि सम्झौतापत्रमा बैंकको तर्फबाट चिफ स्ट्राटेजी अफिसर विशाल सिग्देल र कम्पनीका निर्देशक दिनेश बहादुर बिष्टले हस्ताक्षर गरेका छन्।
पछिल्लोपटक डिजिटल कारोबारमा ग्राहकले बाक्लो उपस्थितीलाई मध्यनजर गर्दै बैंकले डिजिटल कारोबारमा आफ्ना ग्राहकलाई प्रोत्साहन गर्नका निमित्त उपरोक्त दुई होटलबाट विभिन्न सेवा लिई पीओएस तथा क्युआर बाट भुक्तानी गर्दा १० प्रतिशतको आकर्षक छुटको व्यवस्था गरेको हो ।
बैंकले आफ्ना मोबाइल बैंकिङ्ग तथा कार्ड (डेबिट/क्रेडिट) प्रयोगकर्ताहरूलाई देशभरका २३ सय वटा भन्दा बढी अस्पताल, होटल तथा रेष्टुरेन्ट, डिपार्टमेन्ट स्टोर लगायतमा खरिदको रकम भुक्तानी गर्दा कारोबार रकमको ३० प्रतिशतसम्म छुट दिने व्यवस्था गरी डिजिटल कारोबारलाई प्रोत्साहन गरिरहेको छ ।
बैंकले मुलुकभर रहेका ३५८ शाखा कार्यालयहरू, ४७३ एटिएम, ९४ वटा विस्तारित काउन्टर एवं ८१ वटा शाखा रहित बैंकिङ्गमार्फत् बैंकिङ्ग सेवा प्रदान गरिरहेको छ।
