काठमाडौं, १ चैत्र । नेपाल प्रहरीको एआइजीमा तीन डिआइजी बढुवामा सिफारिश भएका छन् । सिफारिश भएकाहरुमा वसन्त कुमार पन्त, धिरज प्रताप सिंह र रविन्द्र बहादुर धानुक छन् ।
सरकारले तीन एआइजीको दरबन्दी बढाउने निर्णय गरेर उनीहरुलाई बढुवाका लागि सिफारिश गरेको हो । बढुवा भएपछि प्रहरीमा प्राविधिकबाहेक ८ जना एआइजी हुनेछन् ।
बढुवा भएकाहरुमध्ये पन्त आइजीपी शैलेश थापा क्षेत्रीका ब्याची हुन् । उनी थापासँगै सेवानिवृत्त हुनेछन् ।
सिंह र धानुक एआइजीहरु विश्वराज पोखरेल र सहकुल थापाको ब्याची हुन् । आइजीपी थापासहित एआइजीहरु हरिबहादुर पाल, निरजबहादुर शाही र प्रद्युम्न कार्की सेवानिवृत्त भएपछि आइजीपीमा पोखरेल र थापा मुख्य प्रतिष्पर्धी हुनेछन् । उनीहरुसँगै धिरज प्रताप सिंह र रविन्द्र धानुक पनि प्रतिष्पर्धी देखिएका छन् ।
सिंह सीआइबीमा छन् । उनलाई आइजीपी बनाउने प्रयास समेत भइरहेको छ ।
