काठमाडौं, ७ चैत्र । हिजो नेकपा एकीकृत समाजवादी पार्टीका सम्मानित नेता झलनाथ खनालको जन्मदिन । उनको जन्मदिनमा पार्टीभित्र र बाहिरका नेताहरुले शुभकामना दिए ।
एमालेका सचिव योगेश भट्टराईले सामाजिक सञ्जालमा खनाललाई जन्मदिनको शुभकामना दिए । खनाललाई ‘नेपाली कम्युनिस्ट आन्दोलनका अग्रज कमरेड’ भने ।
खनाललाई नेकपा एमालेका अध्यक्ष केपी शर्मा ओलीले भने जन्मदिनमै चर्को गाली गरे । इलामको खनालको गृहक्षेत्र पुगेर ओलीले ‘लाज नभएको’ भने ।
‘एमालेको सांसदको फुली बोक्ने ? फकाल्नुपर्दैन ?’ ओलीले झलनाथ खनालप्रति इंकित गर्दै भने,‘विचार गर्नुहोस् त कति सारो लाज नभएको होला ?’
खनालमाथि नुन र गुन बिर्सिएको आरोप लगाए । खनाललाई जनताले भारी मत दिएर जवाफ दिनुपर्ने बताए ।
इलामबाट निर्वाचित सुवासचन्द्र नेम्वाङले पनि खनाललाई जन्मदिनमा चुनौती दिए । उनले बाकस खाली गरेर देखाउन चुनौती दिए ।
