काठमाडौं, चैत १३ । नेकपा (एमाले)को स्थायी कमिटी बैठक आज बस्ने भएको। दिउँसो ३ बजे बस्ने तय भएको बैठक स्थानीय तहको निर्वाचनमा केन्द्रित रहने जनाईएको छ ।
एमाले प्रचार विभाग उपप्रमुख विष्णु रिजालका अनुसार केन्द्रीय कमिटीको तेस्रो बैठकले गरेका निर्णयबारे आजको बैठकबाट ठोस कार्ययोजना बनाएर निर्वाचनमा परिचालन हुनेबारे छलफल हुनेछ ।
चैत १० मा सम्पन्न एमालेको तेस्रो केन्द्रीय कमिटी बैठकले अध्यक्ष केपी ओलीको राजनीतिक प्रतिवेदनसहित चुनाव लक्षित ११ वटा एजेण्डा पारित गरेको थियो ।
त्यसअघिको केन्द्रीय कमिटीको बैठकमा अध्यक्ष ओलीले प्रस्तुत गरेको १५ पृष्ठको राजनीतिक प्रतिवेदनमा स्थानीय तहको निर्वाचनमा जित्ने आधार प्रस्तुत गरिएको थियो । आजको बैठक महाराजगञ्जस्थित रोयल दरबार रेष्टे एण्ड भेन्युमा बस्न लागेको हो ।
