काठमाडौं, १४ चैत । त्रिकोणात्मक टी–ट्वान्टी अन्तराष्ट्रिय सिरिजमा अन्तर्गतको पहिलो खेलमा नेपालले पीएनजीमाथि जित निकालेको छ ।
कीर्तिपुरस्थित टियु क्रिकेट मैदानमा सोमबार पपुवा न्युगिनी (पीएनजी) लाई १५ रनले हराउँदै नेपालले सिरिजमा सुखद सुरुआत गरेको हो ।
नेपालले दिएको १ सय ८४ रनको लक्ष्य पछ्याएको पीएनजीले १९ ओभर २ बलमा अलआउट हुँदै १ सय ६८ रन मात्र बनाउन सक्यो ।
यस अघि टस हारेर ब्याटिङ गरेको नेपालले २० ओभरमा ९ विकेट गुमाएर १ सय ८३ रन बनाएको थियो ।
नेपालका लागि आसिफ शेखले सर्वाधिक ४३ रन बनाए ।
यस्तै, रोहितले २६ बलमा ३४ रन जोडे भने कुशल भुर्तेल ११ बलमा २० रन बनाउदै रनआउट हुन पुगे । आरिफ सेखले ३१ रन जोडे ।
बलिङ तर्फ नेपालका लागि कप्तान सन्दीप लामीछाने र करण केसीले समान ३÷३ विकेट लिए ।
साथै, अभिनास बोहोराले दुई तथा सोमपाल कामीले एक विकेट लिए ।
