काठमाडौं, १७ चैत्र । मेक्सिको र अमेरिका विश्वकप फुटबलमा छनोट भएका छन् । उत्तर अमेरिका क्षेत्रबाट तीन टोली सिधै छनोट हुनेमा विहान भएको खेलबाट टोलीको टुंगो लागेको हो ।
मेक्सिकोले एल सालभाडोरमाथि २-० को जीत निकाल्दै छनोटमा दोस्रो स्थान बनाउन सक्यो । अमेरिका कोस्टारिकासँग २-० ले पराजित भएपनि गोल अन्तरका कारण सिधै छनोट भयो । कोस्टारिकाले भने ओसेनियाबाट शिर्ष स्थान बनाउने टोलीसँग प्ले अफ खेल्नेछ ।
यसअघि उत्तर अमेरिकाबाट क्यानडा छनोट भइसकेको छ । आज विहानको छनोट सकिएसँगै ३२ टोलीमध्ये २८ टोलीको टुंगो लागेछ । अब यूरोपबाट एक र बाँकी ३ टोली प्ले अफबाट छनोट हुनेछन् ।
