काठमाडौं, २१ चैत्र । नेपाली कांग्रेसको भातृ संगठन नेपाल तरुणदलका नवनियुक्त अध्यक्ष विद्धान गुरुङले सोमबार पदभार ग्रहण गरेका छन् ।
आज राजधानीको रविभवनमा आयोजित एक कार्यक्रमका बीच गुरुङलाई पुर्व अध्यक्ष जीतजंग बस्नेतले पद हस्तान्तरण गराएका हुन् ।
पार्टीका सभापति शेरबहादुर देउवाले गुरुङलाई तरुणदलको अध्यक्षमा चैत्र ८ गते मनोनित गरेका थिए । यसअघिका अध्यक्ष जितजंग बस्नेत १४औं महाधिवेशनबाट केन्द्रीय सदस्य भएपछि तरुणदलको पद स्वत रिक्त भएको थियो ।
