काठमाडौं, २० बैशाख । काठमाडौं महानगरमा नेपाली कांग्रेसको तर्फबाट मेयर पदको प्रत्यासी सिर्जना सिंहले काठमाडौं महनगरवासीलाई ठुला सपना देखाउने भन्दा पनि व्ववस्थित र सफा काठमाडौं बनाउन प्रमुख भुमिका खेल्ने बताएकी छिन् ।
शंकरदेव क्याम्पसका पुर्वविद्यार्थी संघले आयोजना गरेको कार्यक्रममा बोल्दै सिंहले काठमाडौंका सडकमा गरिबले पानी खान र शौचालय समेत जान नपाउने अवस्था रहेको उल्लेख गर्दै आफु निर्वाचित भएमा सजिलै सबै समस्या समाधान गरिने प्रतिवद्धता जनाइन् ।
विकसित भएर पनि अव्यवस्थित भएको काठमाडौंलाई व्यवस्थित गर्ने गर्ने उनको भनाई थियो । ‘काठमाडौं बनाउने जिम्मा हाम्रो काँधमा आएको छ, सोही कारण मलाई काठमाडौंको मेयरको रुपमा पार्टी र गठबन्धनले अगाडि सारेको छ ।– सिंहले भनिन् । उनले आफु कांग्रेसको कार्यकर्ता र सिपाही भएको बताउदै भनिन्, ‘मैले मेयर निर्वाचित भए भने घोषणापत्र अनुसारनै काम गर्नेछु ।’
नेतृ सिंहले मेरो राजनितीको घर शंकरदेव भएको समेत बताइन् । शंकरदेवको क्याम्पसको विकासमा समेत सहयोग गर्ने बताईन् । ‘मैले विरासतबाट होइन, म शंकरदेवबाट राजनीतिमा उठेको छु’–उनले भनिन् । २०३३ सालमा गोर्खाबाट कांग्रेसको सदस्यता लिएको बताउदै जनतालाई रैतिबाट जनता बनाउने अभियानको नेतृत्व गरेको परिवारबाट आएको बताइन् ।
