काठमाडौं, २२ वैशाख । भरतपुर महानगरपालिकाकी मेयरकी उम्मेदवार रेनु दाहाललाई चुनाव जिताउन नेपाली काँग्रेसका सभापति शेरबहादुर देउवासहित शिर्ष नेताहरु भरतपुर पुगेका छन् । भरतपुरमा आयोजित गठबन्धनको सभामा नेता रामचन्द्र पौडेल, चितवन काँग्रेसका सभापति राजेश्वर खनाललगायत नेताहरु पनि मञ्चमा देखिएका छन् ।
सभामा चितवनका काँग्रेसका प्रभावशाली नेताहरुले बोल्ने मौका पाएका छन् । चितवन काँग्रेसका पूर्व सभापति जीतनारायण श्रेष्ठलगायतले सम्बोधन गरेका छन् । सभापति देउवाले चितवनका नेताहरुलाई बोल्न दिन भनेपछि धेरै नेताहरुले बोल्ने मौका पाएका छन् ।
सभामा काँग्रेसका नेताहरुले गठबन्धनकी उम्मेदवार रेनु दाहाललाई जिताउन आग्रह गरेका छन् । उनीहरुले जगन्नाथ पौडेललाई उम्मेदवार फिर्ता लिएको घोषणा गर्न भने । पौडेललाई मनाउन समेत कतिपय नेताहरुले भनेका छन् ।
