ओखलढुंगा, २३ बैशाख । ओखलढुंगाको लिखु गाउँपालिकामा एमालेबाट बागी उम्मेदवारी दिएकी गाउँपालिका कमिटी उपाध्यक्ष शुभद्रा कटुवालले आफ्नो उम्मेदवारी निश्क्रिय गरेकी िछन् । र, उनले पार्टीको आधिकारिक उम्मेदवार अस्मिता थापालाई समर्थन गरेकी छिन् ।
लिखु गाउँपालिकाको वडा नम्बर ४ मा आज भएको घरदैलो कार्यक्रममा सहभागी हुँदै कटुवालले आफ्नो उम्मेद्धवारी निश्क्रिय भएको जनाउँदै एमालेको विरासत जोगाउन आधिकारिक उम्मेदवार थापालाई बिनाशर्त समर्थन जनाएको स्पष्ट पारेकी छिन् । सो क्रममा कटुवालले थापासँग अंकमाल समेत गरेकी थिईन् ।
