काठमाडौं, ३० बैशाख। नेकपा (एमाले) की नेतृ तथा कलाकार करिश्मा मानन्धरले मतदान गरेकी छिन् ।
उनले काठमाडौंमा मतदान गरेकी हुन् ।
उनले पति विनोद मानन्धर र छोरी कविताले पनि मतदान गरेको उल्लेख गरेकी छिन् ।
करिश्मा हालै एमालेमा प्रवेश गरेकी हुन् ।
उनले आफू एमालेले लिएको नीति र केपी ओलीको विचारबाट प्रभावित भएको बताउँदै आएकी छिन् ।
उनी सुरुमा बाबुराम भट्टराईले नेतृत्व गरेको तत्कालिन नयाँ शक्ति पार्टीबाट सक्रिय राजनीतिमा होमिएकी थिईन् ।
