काठमाडौं, १ जेठ । यतिबेला काठमाडौं महानगरपालिकामा मतगणना चलिरहँदा स्वतन्त्र उम्मेदवार बालेन साह अगाडि छन् । उनले नेकपा एमालेका केशव स्थापित र नेपाली काँग्रेसकी सृजना सिंहलाई पछि पारेका छन् ।
बालेनको जीत हारबारे विभिन्न प्रक्षेपण भइरहेका छन् । योसँगै कतिपय व्यक्तिले यसमा बाजी नै राख्न थालेको खुलेको छ ।
रकम देखि खसी सम्मको बाजी चल्न थालेको छ । दुई व्यक्तिले लिखित कागज नै गरेर बालेनको जीत हारको बाजी राखेको सार्वजनिक भएको छ ।
बालेन साह जित्ने अनुमानहरु भइरहेपनि महानगरपालिकामा केही हजार मत मात्र गणना भएको छ । ५ प्रतिशत मात्र मत गणना गर्दा बालेनका समर्थनकहरु खुशियाली मनाउन थालेका छन् ।
